عوامی تحریک کے انٹرا پارٹی الیکشن کی تاریخ میں توسیع کا اعلان

سیلاب کے باعث تاریخ میں توسیع مانگی گئی تھی

لاہور (24 ستمبر 2025) پاکستان عوامی تحریک (PAT) نے اپنے انٹرا پارٹی انتخابات کی تاریخ میں توسیع کا باضابطہ اعلان کر دیا ہے۔ یہ فیصلہ حالیہ سیلاب سے متاثرہ علاقوں کے کارکنان کی درخواست پر کیا گیا۔ الیکشن کمیشن آف پاکستان کی طرف سے توسیع کی اجازت دے دی گئی۔ سیکرٹری انٹرا پارٹی الیکشن کمیشن پاکستان عوامی تحریک سردار غضنفر حسین ایڈووکیٹ نے الیکشن کمیشن آف پاکستان کو باضابطہ طور پر درخواست دی تھی۔ الیکشن کمیشن آف پاکستان نے تاریخ میں توسیع کی اجازت دیتے ہوئے منظوری کا نوٹفکیشن بھی جاری کر دیا ہے۔ پاکستان عوامی تحریک کے انٹرا پارٹی الیکشن 22 ستمبر کو منعقد ہونے تھے، الیکشن کمیشن آف پاکستان نے تاریخ میں توسیع دیتے ہوئے 22 نومبر2025 تک کا وقت دے دیا ہے۔