پاکستان کے عوام اپنی بہادر فورسز کے شانہ بشانہ کھڑے ہیں : خرم نواز گنڈاپور
پاکستان کا رسپانس ذمہ دارانہ ہے او آئی سی اور یو این سیکیورٹی
کونسل نوٹس لے
بھارت کی طرف سے سویلین آبادی کو نشانہ بنانا قابل مذمت ہے: سیکرٹری جنرلPAT
لاہور (8 مئی 2025) پاکستان عوامی تحریک کے سیکرٹری جنرل خرم نواز گنڈاپور نے بھارت کی جانب سے پاکستان کی سویلین آبادی پربلا جواز حملوں کی شدید مذمت کرتے ہوئےکہا ہے کہ بھارتی جارحیت اور حملے بین الاقوامی بارڈر کی سنگین خلاف ورزی ہیں۔ بھارت اشتعال انگیزی کر کے خطہ کےامن سے کھیل رہا ہے۔ افواج پاکستان کا تحمل، معاملہ فہمی اور ذمہ دارانہ رسپانس قابل تحسین ہے۔ پاکستان کی امن پسندی کو نظر انداز کرنے والے احمقوں کی جنت میں رہتے ہیں۔ سلامتی کونسل بھارتی جارحیت کا نوٹس لے۔ سویلین آبادی کو ٹارگٹ کرنا قابل مذت ہے۔
انہوں نےکہا ہے کہ بھارت کے حالیہ حملے نہ صرف بین الاقوامی قوانین کی خلاف ورزی ہیں بلکہ جنوبی ایشیا کے امن کے لیے بھی خطرہ ہیں۔ حکومت یو این سیکیورٹی کونسل، او آئی سی کا اجلاس بلا نے کی اپیل کرے۔ صوبائی حکومتیں پولیٹیکل پارٹیز کے ساتھ مل کر مشترکہ بیانیہ بنائیں اور متحد ہو کر دشمن کو واضح پیغام دیں۔ افواج پاکستان کے ساتھ عوام پوری طاقت اور جذبے کے ساتھ کھڑے ہیں ۔ انہوں نے کہا کہ بھارت کی جانب سے بلا اشتعال فائرنگ، ڈرون اور میزائل حملے کے ذریعے نہتے شہریوں کو نشانہ بنانا نا قابل معافی جرم ہے۔ پاکستان کے غیور عوام اپنی فورسز کے شانہ بشانہ کھڑے ہیں۔
تبصرہ