ملک میں تبدیلی کا واحد راستہ مصطفوی انقلاب ہے، کرپٹ نظام کا حصہ بن کر تبدیلی ممکن نہیں، شیخ زاہد فیاض

• 12 ستمبر 2013ء

شیخ زاہد فیاض نے ملتان میں عظیم الشان ورکرز کنونشن سے خطاب کرتے ہوئے کہا کہ پاکستان بلا شبہ ایک ایٹمی طاقت ہے لیکن ملک میں تعلیمی پسماندگی عروج پر ہے۔ پرائمری کی سطح سے لے کر یونیورسٹی تک تعلیمی نظام ابتر صورتحال سے دوچار ہے۔ تعلیمی ادارے کمائی کا ذریعہ بن چکے ہیں اور سرکاری تعلیمی ادارے صرف ڈگریاں بانٹ رہے ہیں۔ حکومتوں کی غلط پالیسیوں کی وجہ سے صنعتی شہروں میں بجلی اور گیس کی عدم دستیابی کے باعث ملک میں معاشی و اقتصادی بحران بڑھ رہا ہے۔ مزید ...

لودہراں: کروڑ جانثار ہموطنوں کے ذریعے کرپٹ نظام سے ٹکرائیں گے، شیخ زاہد فیاض کا ورکرز کنونشن سے خطاب

• 13 ستمبر 2013ء

پاکستان عوامی تحریک کے صدر شیخ زاہد فیاض نے لودھراں میں ورکرز کنونشن سے خطاب کرتے ہوئے کہا کہ ڈاکٹر طاہر القادری بہت جلد عوامی طاقت سے غریب دشمن سیاسی کلچر کو ذبح کر دیں گے۔ پوری قوم نے دیکھ لیا کہ فراڈ الیکشن کے بعد وہی سیاسی گھوڑے پارٹی بدل کر اقتدار میں آگئے۔ انہوں نے کہا کہ ہم اپنی جدوجہد کے فیز ٹو میں داخل ہو رہے ہیں، ملک بھر سے ایک کروڑ سے زائد جانثار ہموطنوں کے ذریعے اس باطل نظام سے ٹکرائیں گے، ہماری جدوجہد روز اول سے پر امن ہے اور ہم اپنی منزل کے حصول تک پر امن رہنے کا عزم کیے ہوئے ہیں۔ مزید ...

صاحبان اقتدار قائد کی روح کو ہر روز نیا زخم لگا رہے ہیں، ڈاکٹر طاہر القادری

• 11 ستمبر 2013ء

ڈاکٹر طاہر القادری نے کہا ہے کہ آج ساری قوم کو ایک بار پھر حصول پاکستان والے عزم کے ساتھ کام کرنا ہو گا اور پاکستان میں حقیقی جمہوریت کے قیام کیلئے اس موجودہ فرسودہ کرپٹ نظام انتخاب کو دریا برد کرنا ہو گا۔ انہوں نے کہا کہ کامیاب ریاست چلانے کیلئے جو اصول قائد اعظم رحمۃ اللہ علیہ نے دیے تھے۔ انہیں طالع آزما سیاستدانوں نے اقتدار کی ہوس اور ذاتی مفادات کی خاطر فراموش کر دیا۔ قائد اعظم رحمۃ اللہ علیہ نے عزم و ہمت اور ولولے کے ساتھ ناممکن کو ممکن بنایا۔ مزید ...

شکرگڑھ: تحریک منہاج القرآن کا ورکرز کنونشن

• 10 ستمبر 2013ء

تحریک منہاج القرآن شکرگڑھ کے زیراہتمام ورکرز کنونشن کا انعقاد کیا گیا جس میں کارکنان کی کثیر تعداد نے شرکت کی۔ کنونشن کا باقاعدہ آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا۔اس موقع پر پاکستان عوامی تحریک کے صدر شیخ زاہد فیاض، مرکزی سیکرٹری کوآرڈینیشن پاکستان عوامی تحریک ساجد محمود بھٹی اور مرکزی کوآرڈینیٹر منہاج ویلفیئر فنڈ سردار بشیر احمد لودھی نے خصوصی شرکت کی۔تقریب میں کارکنان میں اسناد بھی تقسیم کی گئیں۔ مزید ...

6 ستمبر 1965 کی جنگ پاکستانی قوم کیلئے ایک وقار اور لازوال استقلال کا استعارہ ہے، حافظ غلام فرید

• 06 ستمبر 2013ء

6 ستمبر کا دن وطن عزیز کے دفاع کیلئے عظیم قربانیوں کی یاد دلاتا ہے۔ قوموں کی زندگی میں کچھ دن انتہائی اہمیت کے حامل ہوتے ہیں جن کے باعث ان کا تشخص ایک غیور اور جرات مند قوم کا ہوتا ہے۔ آج کے دن وطن عزیز کے ہر فرد کو عہد کرنا ہے کہ وہ وطن عزیز کی نظریاتی و جغرافیائی سرحدوں کی حفاظت کو زندگی کی سب سے پہلی اور بڑی ترجیح بنا کر اس شعور کو اگلی نسلوں تک پہنچا ئیں گے۔ مزید ...

بطور قوم ہم نے فکری و نظریاتی سرحدوں کی حفاظت میں پہلو تہی کی ہے: ڈاکٹر طاہر القادری کا یوم دفاع کے موقع پر قوم کے نام پیغام

• 06 ستمبر 2013ء

ڈاکٹر محمد طاہر القادری نے یوم دفاع کے موقع پر قوم کے نام پیغام میں کہا ہے کہ وطن عزیز کی سرحدوں پر منڈلاتے خطرات اس بات کی گواہی دے رہے ہیں کہ بطور قوم ہم نے فکری و نظریاتی سرحدوں کی حفاظت میں پہلو تہی کی ہے۔ قائد اعظم رحمۃ اللہ علیہ کے اصولوں کی دھجیاں ہر سو بکھری دکھائی دیتی ہیں اور ہمیں اس زیاں کا احساس بھی نہیں رہا۔ کرپٹ نظام انتخاب وہ دیمک ہے جو وطن عزیز کی فکری و نظریاتی اور جغرافیائی سرحدوں کی حفاظت کا احساس بھی چاٹ رہی ہے۔ کرپٹ نظام انتخاب کے خلاف بغاوت ہی ملک کا اصل دفاع ہے۔ مزید ...

پاکستان میں تمام غیر مسلم اپنی مذہبی رسومات اور تہوار منانے میں مکمل آزاد ہیں، سہیل احمد رضا

• 01 ستمبر 2013ء

بالمیک مندر نیلا گنبد میں ہندو برادری کے مذہبی پیشوا شری کرشنا مہاراج کے جنم دن کی تقریب کے موقع پر تحریک منہاج القرآن کے ڈائریکٹر انٹرفیتھ ریلشنز سہیل احمد رضا نے کہا ہے کہ پاکستان میں تمام اقلیتوں کو مکمل مذہبی آزادی حاصل ہے اور تمام غیر مسلم اپنی مذہبی رسومات اور تہوار منانے میں مکمل آزاد ہیں۔ مزید ...

شام کے خلاف جنگ بین الاقوامی سازش کا حصہ ہے، ڈاکٹر طاہرالقادری کی لندن میں صحافیوں سے گفتگو

• 29 اگست 2013ء

ڈاکٹر طاہرالقادری نے ’’دی میٹ پریس‘‘ پروگرام میں صحافیوں سے گفتگو کرتے ہوئے کہا کہ شام کے خلاف جنگ بین الاقوامی سازش کا حصہ ہے، امت مسلمہ کے بعض ممالک کی دولت اور اثر و رسوخ اس سازش کی تکمیل میں کردار ادا کر رہے ہیں۔ انہوں نے کہا کہ عراق، مصر اور شام میں کبھی بھی فرقہ وارانہ یا مسلکی اختلافات نہیں رہے اور اس مسئلہ کی بنیاد پر کبھی کھلی تشدد آمیز کارروائیاں نہیں ہوئیں تاہم عالمی طاقتیں سوچی سمجھی منصوبہ بندی اور حکمت عملی کے تحت ان ممالک مین ایسی صورتحال پیدا کر رہی ہیں جہاں عالمی مداخلت کے مواقع میسر آسکیں، آئندہ دنوں میں شام میں ہونے والی کارروائیاں بھی اسی منصوبہ بندی کا تسلسل ہیں۔ مزید ...

ڈاکٹر طاہر القادری کی آئیڈیالوجی سے دنیا بھر میں تبدیلی پیدا ہو رہی ہے، جو مصطفوی انقلاب کا پیش خیمہ ثابت ہوگی، منہاج القرآن یوتھ لیگ ہالینڈ

• 29 اگست 2013ء

ادارہ منہاج القرآن کے تربیتی عمل اور شیخ الاسلام ڈاکٹر محمد طاہر القادری کی آئیڈیالوجی سے ایک تبدیلی پیدا ہو رہی ہے جو آگے چل کر یقینی طور پر مغربی دنیا اور پاکستان میں ایک مصطفوی تبدیلی کا پیش خیمہ ثابت ہو گی۔ مزید ...

طالبان کے دوست کبھی بھی سزاؤں پر عمل درآمد نہیں ہونے دیں گے، ڈاکٹر طاہرالقادری

• 21 اگست 2013ء

ڈاکٹر محمد طاہر القادری نے کہا ہے کہ طالبان کے دوست کبھی بھی سزاؤں پر عمل درآمد نہیں ہونے دیں گے۔ جن کی مدد سے الیکشن جیتا گیا انکے خلاف کون کارروائی کرے گا ؟پاکستان کو ایسی قیادت کی ضرورت ہے جو ملک کے مفاد میں بڑی سے بڑی طاقت کو NO کہنے کی جرات رکھتا ہو۔ مگر ملک کے مفاد میں جرات مندانہ قدم وہی اٹھا سکتا ہے جو سوائے اللہ کے کسی سے نہ ڈرتا ہو، کرپٹ آدمی کبھی جرات مندانہ قدم نہیں اٹھا سکتا۔ مزید ...