جہلم: پاکستان عوامی تحریک ویمن ونگ کے زیراہتمام قائد ڈے تقریب

• 23 فروری 2015ء

پاکستان عوامی تحریک ویمن ونگ تحصیل جہلم کے زیراہتمام قائد ڈے کے حوالے سے منہاج اسلامک سنٹر جادہ میں پروقار تقریب کا انعقاد کیا گیا، جس میں خواتین کی کثیر تعداد نے شرکت کی۔ تقریب کا آغاز تلاوت کلام پاک سے ہوا، بعد ازاں محترمہ نوشابہ نے تاجدار کائنات صلی اللہ علیہ وآلہ وسلم کی بارگاہ میں گلہائے عقیدت نچھاور کیے۔ پروگرام میں نظامت کے فرائض محترمہ صفیہ رفعت صدر پاکستان عوامی تحریک ویمن ونگ جہلم نے سر انجام دیے۔ اس موقع پر اسلامک سنٹر جادہ کی اساتذہ اور طلبہ نے بھی بھرپور شرکت کی۔ مزید ...

فیصل آباد: پاکستان عوامی تحریک کے زیراہتمام سیمینار ’’عوام کے بنیادی حقوق اور ڈاکٹر طاہرالقادری‘‘

• 24 فروری 2015ء

تحریک منہاج القرآن و پاکستان عوامی تحریک کے زیراہتمام فیصل آباد میں ڈاکٹر محمد طاہرالقادری کی 64 ویں سالگرہ کے موقع پر ’’پاکستان میں عوام کے بنیادی حقوق اور ڈاکٹر طاہرالقادری‘‘ سیمینار منعقد ہوا، جس میں انجینئر محمد رفیق نجم، میاں کاشف محمود، میاں عبدالقادر نے خطاب کرتے ہوئے کہا کہ دھاندلی کر کے اقتدار میں آنے والی خوفزدہ اور دہرے معیار والی حکمران قیادت دہشت گردی کا خاتمہ نہیں کر سکتی اور یہ حکمران جب تک مسلط رہیں گے ملک اور عوام پستے رہیں گے۔ مزید ...

برطانیہ: ڈاکٹر محمد طاہرالقادری کے یوم پیدائش کے موقع پر تحائف کی تقسیم

• 19 فروری 2015ء

ڈاکٹر محمد طاہرالقادری کے 64 ویں یوم پیدائش کے موقع جہاں دنیا بھر میں تحریک منہاج القرآن اور پاکستان عوامی تحریک کے تحت مختلف تقریبات کا انعقاد کیا گیا وہاں پاکستان عوامی تحریک برطانیہ ویمن ونگ نے اپنے قائد کی سالگرہ کی خوشی کو ایک نئے انداز میں منانے کا عہد کیا، جس کے تحت برطانیہ بھر کے 6 بڑے شہروں میں پاکستان عوامی تحریک برطانیہ خواتین ونگ نے ڈاکٹر محمد طاہرالقادری کی خدمات پر مبنی پمفلٹ اور تحائف راہگیروں میں تقسیم کیے، جو کہ ان کے لیے بہت زیادہ دلچسپی اور معلومات کے حصول کا باعث بنے۔ مزید ...

واہ کینٹ: تحریک منہاج القرآن کے زیراہتمام ’’سفیر امن‘‘ کانفرنس کا انعقاد

• 19 فروری 2015ء

تحریک منہاج القرآن واہ کینٹ کے زیراہتمام سفیر امن کانفرنس سے مرکزی ناظم اعلی شیخ زاہد فیاض نے اظہار خیال کرتے ہوئے کہا کہ ڈاکٹر طاہرالقادری نے عوام کو آئین کا شعور دیا اور اپنے حق کی خاطر آواز اٹھانے اور ظلم کو روکنے کی ہمت اور جرات کا حوصلہ دیا۔ انہوں نے کہا کہ ڈاکٹر طاہرالقادری نے کہا تھا کہ الیکشن آئین کی شق نمبر 62، 63 اور 218 کے مطابق کروائے جائیں تو مفید ہوں گے اور یہ بھی کہا تھا کہ دہشت گردوں سے مذاکرات کا فائد ے کے بجائے نقصان ہوگا، اس وقت اگر یہ بات مان لی جاتی تو آج قوم کو یہ دن دیکھنے نہ پڑتے۔ مزید ...

راولپنڈی: پاکستان عوامی تحریک کے زیراہتمام ’’سفیر امن‘‘ سیمینار کا انعقاد

• 22 فروری 2015ء

ڈاکٹر طاہرالقادری کے یوم پیدائش کے موقع پر پاکستان عوامی تحریک پی پی 11 کے زیراہتمام سفیرامن سیمینار خیابان سرسید نور بینکویٹ ہال میں علامہ میر محمد زمان قادری کی زیرسرپرستی منعقد ہوا۔ پاکستان عوامی تحریک کے مرکزی صدر ڈاکٹر رحیق عباسی مہمان خصوصی تھے۔ دیگر مہمانوں میں مرکزی رہنما عوامی تحریک احمد نواز انجم، ڈپٹی سیکرٹری جنرل سردار منصور خان، ڈپٹی سیکرٹری اطلاعات عمر ریاض عباسی، ڈویژنل ڈپٹی آرگنائزر ملک افضل، ضلعی صدر راولپنڈی نعیم سلطان کیانی، ضلعی صدر اسلام آباد ابرار رضا ایڈووکیٹ، عباسی برادری کے رہنما محمد ایاز عباسی کے علاوہ دیگر سیاسی، سماجی و مذہبی جماعتوں کے رہنماؤں نے شرکت کی۔ مزید ...

وہاڑی: ایم ایس ایم کے زیراہتمام 'امن کانفرنس' کا انعقاد

• 10 فروری 2015ء

مصطفوی سٹوڈنٹس موومنٹ وہاڑی کے زیراہتمام امن کانفرنس بالمقابل گورنمنٹ ڈگری کالج وہاڑی میں منعقد ہوئی جس میں مرکزی صدر پاکستان عوامی تحریک ڈاکٹر رحیق احمد عباسی، مرکزی صدر MSM چوہدری عرفان یوسف اور مرکزی نائب صدر MSM رضی طاہر نے خصوصی شرکت کی۔ مرکزی صدر پاکستان عوامی تحریک صبح 9 بجے بوریوالہ پہنچے جہاں صدر ایم ایس ایم بوریوالہ شہزاد ڈوگر نے سینکڑوں طلبہ کیساتھ ان کا خیر مقدم کیا۔ مزید ...

مصطفوی سٹوڈنٹس موومنٹ کے زیراہتمام سیمنیار ’’یوم یکجہتی کشمیر اور اس کے تقاضے‘‘

• 05 فروری 2015ء

پاکستان عوامی تحریک کے طلبہ ونگ مصطفوی سٹوڈنٹس موومنٹ کے زیراہتمام مورخہ 5 فروری 2015ء کو یوم کشمیر کے حوالے سیمنیار بعنوان ’’یوم یکجہتی کشمیر اور اس کے تقاضے‘‘ کا انعقاد مرکزی سیکرٹریٹ ماڈل ٹاؤن میں کیا گیا، سیمینار سے خطاب کرتے ہوئے پاکستان عوامی تحریک کے مرکزی صدر ڈاکٹر رحیق احمد عباسی نے کہا ہے کہ انصاف پر یقین رکھنے والی حقیقی عوامی حکومت ہی مسئلہ کشمیر کے حل میں مددگار ثابت ہوسکتی ہے۔ اعتراف حقیقت کے بغیر ہم آگے نہیں بڑھ سکتے، پرائیویٹ جہاد نے بہت سے مسائل کو جنم دیا ہے مزید ...

ماڈل ٹاؤن میں حکومتی دہشت گردی کیخلاف پاکستان عوامی تحریک ملتان کا احتجاجی مظاہرہ

• 22 فروری 2015ء

ڈاکٹر طاہرالقادری نے کہا ہے کہ سانحہ ماڈل ٹاؤن کے ذمہ داروں کے تختہ دار پر لٹکنے تک چین سے نہیں بیٹھیں گے۔ حکمرانوں کا کوئی ہتھکنڈہ ہمیں انصاف کی راہ سے نہیں ہٹا سکتا۔ حکمرانوں کے دہشت گردوں سے رابطے ہیں، فوجی عدالتوں کو ناکام بنانے کیلئے سازشیں شروع ہو چکی ہیں، اس جنگ میں فوج کے بعد صرف عوامی تحریک پوری جرات کے ساتھ آواز اٹھا رہی ہے، اس پارلیمنٹ کو تو دہشت گردی کے خلاف جنگ کو اپنی جنگ قرار دینے کی بھی توفیق نہیں ہو سکی، قاتلوں کی بنائی JIT نہ پہلے قبول تھی نہ آئندہ قبول کریں گے۔ مزید ...

موجودہ حکومت کی تشکیل میں دہشت گردوں کا حصہ ہے: ڈاکٹر رحیق عباسی

• 22 فروری 2015ء

ایبٹ آباد: پاکستان عوامی تحریک کے مرکزی صدر ڈاکٹر رحیق احمد عباسی کا کہنا ہے کہ پاکستان مسلم لیگ ن کی حکومت کی تشکیل میں دہشت گردوں نے مرکزی کردار ادا کیا۔ نون لیگ دہشت گردوں کا سیاسی ونگ ہے جبکہ دہشت گرد نون لیگ کا عسکری ونگ ہیں اور دونوں کا گٹھ جوڑ ایک دوسرے کے تحفظ کے لیے ہے۔ موجودہ حکومت عوام کی قاتل، دہشت گردوں کی سرپرست اور عوامی حقوق کی غاصب ہے۔ ان خیالات کا اظہار انہوں نے ایبٹ آباد پریس کلب میں پریس کانفرنس کرتے ہوئے کیا۔ مزید ...

لودہراں: پاکستان عوامی تحریک کے زیراہتمام ورکرز کنونشن کا انعقاد

• 18 فروری 2015ء

لودہراں: پاکستان عوامی تحریک کے ڈویژنل ناظم چوہدری قمر عباس دھول نے کہا ہے کہ سانحہ ماڈل ٹاؤن کا مقدمہ فوجی عدالتوں میں بھیجا جائے تا کہ میرٹ پر مقدمہ کی سماعت ہو سکے اور مظلوم نہتے کارکنوں کے قاتلوں کو کیفر کردار تک پہنچایا جا سکے۔ انہوں نے مزید کہا کہ ملک بھر میں احتجاجی ریلیوں کے ذریعے حکمرانوں پر دباؤ جاری رکھیں گے اس سلسلہ میں 22 فروری بروز اتوار دن 1 بجے ملتان گھنٹہ گھر سے نواں شہر تک ریلی نکالی جائے گی جس میں ہزاروں کارکنان شریک ہونگے۔ ان خیالات کا اظہار انہوں نے پاکستان عوامی تحریک یونین کونسل سمرا اور یونین کونسل 49 ایم پر منعقدہ ورکرز کنونشن سے خطاب کرتے ہوئے کیا۔ مزید ...