سوشل میڈیا کو پاکستان میں حقیقی جمہوریت کی بحالی کیلئے استعمال کیا جائے: عبدالستار منہاجین کا ٹریننگ کیمپ سے خطاب

• 26 مارچ 2014ء

منہاج انٹرنیٹ بیورو کے تحت گزشتہ سال بھر سے پاکستان کے مختلف اضلاع میں سوشل میڈیا کے بہتر اور بامقصد استعمال کے لیے تربیتی کیمپس منعقد کیے جا رہے ہیں۔ اس سلسلہ میں مرکزی سیکرٹریٹ پر بھی رضاکاران کے لیے سوشل میڈیا ٹریننگ کیمپ منعقد کیا گیا، جس میں ڈائریکٹر منہاج انٹرنیٹ بیورو عبدالستار منہاجین اور سوشل میڈیا ممبر محمد یامین مصطفوی نے سوشل میڈیا کے بہتر استعمال پر لیکچرز دیئے۔ مزید ...

حیدرآباد: اسلام آباد لانگ مارچ اذان انقلاب تھی اور اب اقامت انقلاب کا وقت قریب آن پہنچا ہے۔ ڈاکٹر حسن قادری کا ورکرز کنونشن سے خطاب

• 26 مارچ 2014ء

ڈاکٹر حسن محی الدین قادری نے حیدرآباد سندھ میں ورکرز کنونشن سے خطاب کرتے ہوئے کہا کہ ہم نے 14 جنوری اسلام آباد لانگ مارچ کے موقع پر اپنا کردار پوری دنیا کے سامنے رکھ دیا کہ لاکھوں افراد کی موجودگی میں کوئی ایک تشدد کا واقعہ رونما نہیں ہوا، یہ سب ہمارے عظیم قائد کی تعلیمات ہیں۔ وہ اذان انقلاب تھی اور اب اقامت انقلاب کا وقت قریب آن پہنچا ہے۔ ہم سنار کی ٹھک ٹھک کے قائل نہیں بلکہ اب لوہار کی ایک ہی چوٹ مار کر ایک پرامن انقلاب برپا کر کے ہی لوٹیں گے، ہم حکمرانوں اور ان کے حواریوں کو متنبہ کرتے ہیں کہ قوم کو ان کے حقوق لوٹا دیں اور ان کی عزتوں کی حفاظت کے اقدامات کریں۔ مزید ...

یونان: منہاج پیس اینڈ اینٹی گریشن کونسل یونان کے زیر اہتمام یوم پاکستان سیمینار

• 23 مارچ 2014ء

23 مارچ بروز اتوار دن 2 بجے منہاج پیس اینڈ اینٹی گریشن کونسل یونان کے زیر اہتمام ایک عظیم الشان یوم پاکستان سیمینارکا انعقاد ہوا جس میں اہل وطن نے بڑے جوش و خروش اور ولولے سے شرکت کی۔ مہمان خصوصی شفقت اللہ خان (سیکرٹری سفارتخانہ پاکستان ) نے اپنے عملے کے ساتھ شرکت کی، اس کے علاوہ منہاج القرآن انٹرنیشنل یونان کے تمام ذیلی مراکز اور صحافی برادری (پرنٹ و الیکٹرانک میڈیا) سے بھی خصوصی نمائندگی ہوئی۔ مزید ...

گجرات: ایم ایس ایم کے زیراہتمام بیدارئ شعور طلبہ ریلی

• 25 مارچ 2014ء

مصطفوی سٹوڈنٹس موومنٹ گجرات کے زیراہتمام بیدارئ شعور طلببہ ریلی کا انقعاد کیا گیا جس میں طلبہ کی کثیر تعداد نے شرکت کی۔ ریلی کی قیادت مصطفوی سٹوڈنٹس موومنٹ کے مرکزی صدر چوہدری عرفان یوسف نے کی۔ ریلی اندورن شہر سے ہوتی ہوئی پریس کلب گجرات پر اختتام پذیر ہوئی، اس دوران مصطفوی سٹوڈنٹس موومنٹ ڈسٹرکٹ گجرات کے عہدیداران اپنی بھرپور تقریروں سے طلباء کے جذبات کو گرماتے رہے۔ اس موقع پر مرکزی صدر چوہدری عرفان یوسف نے طلباء سے خطاب بھی کیا۔ مزید ...

منہاج سکول آف سسٹم بہترین تعلیم و تربیت کا آئینہ دار ہے۔ غلام علی خان

• 25 مارچ 2014ء

پاکستان عوامی تحریک پی پی 11 کے جنرل سیکرٹری غلام علی خان نے کہا ہے کہ میٹرو بس سروس کرپشن زدہ، منظور نظرافراد کو نوازنے اور کمیشن مافیا کا منصوبہ ہے۔ ایسے منصوبے ان ممالک میں اچھے لگتے ہیں جہاں عوام کو بنیادی سہولیات میسر ہوں، جہاں تعلیم، صحت، روزگار میسر ہو۔ ان خیالات کا اظہار انہوں نے گزشتہ روز منہاج ماڈل سکول بنگش کالونی میں تقسیم انعامات کی تقریب سے خطاب کرتے ہوئے کیا۔ اس موقع پر صدر پی پی 11 عوامی تحریک مقصود عباسی، نذیر ہزاروی، ریاض محمود اور دیگر بھی موجود تھے۔ مزید ...

جہلم: پاکستان عوامی تحریک کے زیراہتمام پاکستان بچاؤ ریلی

• 24 مارچ 2014ء

پاکستان عوامی تحریک تحصیل جہلم کے زیراہتمام پاکستان بچاؤ ریلی نکالی گئی جس میں سو سے زائد موٹر سائیکل سواروں نے شرکت کی۔ ریلی جادہ چوک سے شروع ہوئی اور اقبال لائبریری روڈ سے ہوتی ہوئی شاندار چوک پر اختتام پذیر ہوئی۔ ریلی میں یوتھ ونگ نے بھی بھرپور شرکت کی اور انتظامی امور بھی سنبھالے۔ اس موقع پر جناب غلام حیدر ایڈووکیٹ، رہنما پاکستان عوامی تحریک جہلم پروفیسر سلیم احمد چوہدری اور صدر پاکستان عوامی تحریک ضلع جہلم نے شرکاء سے خطاب کرتے ہوئے کہا کہ قائد اعظم محمد علی جناح کے پاکستان کا مقصد عوام کو یکساں حقوق اور انصاف کی فراہمی تھا۔ مزید ...

اوکاڑہ: پاکستان عوامی تحریک کے زیراہتمام استحکام پاکستان موٹر سائیکل ریلی

• 23 مارچ 2014ء

پاکستان عوامی تحریک اوکاڑہ کے زیراہتمام استحکام پاکستان ریلی کا انعقاد کیا گیا جس میں کارکنان کی کثیر تعداد نے شرکت کی۔ ریلی کا آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا۔ اس موقع پر شرکاء نے پلے کارڈز اٹھا رکھے تھے جس پر کرپٹ نظام کے خلاف نعرے درج تھے۔ ریلی میں پاکستان عوامی تحریک کے آرگنائزر خالد محمود، تحصیل صدر مرزا محمد ابراہیم، ضلعی امیر ٹی ایم کیو اوکاڑہ محمد حفیظ قادری، ایم ایس ایم ضلعی کوآرڈینیٹر عبدالکریم کمیانہ، ناظم فرید احمد اور میڈیا سیکرٹری شیخ گلفام علی قادری بھی شریک تھے۔ مزید ...

نا اہل سیاستدانوں نے قرارداد پاکستان کی حقیقت کو فراموش کر کے بانی پاکستان قائد اعظم رحمۃ اللہ علیہ کی روح کو تکلیف دی: خرم نواز گنڈاپور

• 23 مارچ 2014ء

پاکستان عوامی تحریک کے سیکر ٹری جنرل خرم نواز گنڈا پور نے کہا ہے کہ بانی پاکستان قائد اعظم رحمۃ اللہ علیہ جیسا مخلص، درد مند اور انتھک محنت کرنے والا لیڈر میسر ہو تو کرہ ارضی پر ملک حاصل کرنا بھی ممکن ہو جاتا ہے اور اگر قیادت کا بحران رہے تو 66 سال بعد بھی ملکی بقا ہی سب سے بڑا مسئلہ رہتا ہے۔ پاکستان میں کسی بھی حکمران نے اداروں کے استحکام پر توجہ نہیں دی۔ فرد کو طاقتور اور سیاسی پارٹیوں پر مخصوص خاندانوں کی اجارہ داری قائم رکھنے پر توانائیاں خرچ کی گئیں۔ قرارداد پاکستان کا مقصد صرف علیحدہ ریاست حاصل کرنا نہ تھا بلکہ ایک ایسا آزاد اور خود مختار ملک حاصل کرنا تھا جس میں مسلمان اپنے عقائدکے مطابق اندرونی اور بیرونی دباؤ سے آزاد ہو کر عمل کر سکیں۔ مزید ...

ہر پاکستانی کو کرپٹ نظام کے خاتمے کی جہد مسلسل کا حصہ بننے کا عہد کرنا ہو گا، یوم پاکستان کے موقع پر ڈاکٹر طاہر القادری کا پیغام

• 23 مارچ 2014ء

ڈاکٹر محمد طاہر القادری نے یوم پاکستان کے موقع پر اپنے پیغام میں کہا ہے کہ آج ہم تکمیل پاکستان کی جدوجہد سے تحفظ پاکستان تک اس لئے آ گئے ہیں کہ نظریہ پاکستان کی روح کمزور ترین ہو گئی ہے۔ دہشت گردی، انتہا پسندی اور نام نہاد جمہوریت کے لبادے میں نااہل سیاستدانوں کی وجہ سے پچھلی کئی دہائیوں سے نظریہ پاکستان پر حملے ہورہے ہیں۔ آج پاکستان کی نظریاتی و جغرافیائی سرحدوں کو خطرات لاحق ہیں، آج ہر پاکستانی کو موجودہ کرپٹ نظام کے خاتمے کی جہد مسلسل کا حصہ بننے کا عہد کرنا ہو گا تا کہ ملک میں حقیقی جمہوریت کا سویرا طلوع ہو سکے۔ مزید ...

منہاج القرآن ویمن لیگ کا پنجاب اور خیبر پختونخواہ کی طرف انقلابی سفر

• 18 مارچ 2014ء

منہاج القرآن ویمن لیگ کا دو رکنی وفد 12 مارچ تا 18 مارچ 2014ء پنجاب اور خیبر پختونخواہ کی مختلف تحصیلات میں انقلاب کا پیغام لے کر گیا۔ اس وفد میں مرکزی ناظمہ منہاج القرآن ویمن لیگ محترمہ راضیہ نوید اور مرکزی ناظمہ دعوت محترمہ سیدہ نازیہ مظہر شامل تھیں۔ جن علاقوں میں پروگرام کا انعقا د کیا گیا ان میں تحصیل جہلم، دینہ، گوجرخان، دولتالہ، چکوال، کلرکہار، چوآسیدن شاہ، ہری پور، حویلیاں، ایبٹ آباد، مانسہرہ اور پشاور شامل تھے۔ ان پروگرامزمیں کارکنان کی کثیر تعداد نے شرکت کی۔ مزید ...