منہاج اسلامک سنٹر بارسلونا میں 9 ویں بین المذہبی دعا کی تقریب

• 30 نومبر 2007ء

منہاج اسلامک سنٹر بارسلونا میں 9 ویں بین المذہبی دعا کی تقریب انعقاد پذیر ہوئی جس میں بارسلونا سنٹر میں رہائش پذیر مختلف مذاہب سے تعلق رکھنے والی اہم شخصیات نے شرکت کی، اس تقریب کا انعقاد منہاج القرآن انٹرنیشنل بارسلونا سپین، کیتھولک چرچ Parroquia del Carme، ابنِ بطوطہ ایسوسی ایشن، اسلامک کونسل آف کتالونیا، فلپائنی عیسائی کیمونٹی، بارسلونا پروٹسٹنٹ چرچ اور گھانا عیسائی کیمونٹی نے مشترکہ طور پر کیا جبکہ اسلامک سنٹر القائم کے نمائندوں نے خصوصی دعوت پر شرکت کی۔ مزید ...

منہاج القرآن ویمن لیگ کا 19 واں یوم تاسیس

• 06 جنوری 2008ء

منہاج القرآن ویمن لیگ کے 19 ویں یوم تاسیس کی تقریب مورخہ 6 جنوری کو مرکزی سیکرٹریٹ ماڈل ٹاون ویمن لیگ کے مرکزی دفتر میں منعقد ہوئی۔ اس میں شیخ الاسلام ڈاکٹر محمد طاہرالقادری کی لخت جگر قرۃ العین فاطمہ مہمان خصوصی تھیں۔ ناظمہ منہاج القرآن ویمن لیگ فرح ناز اور ویمن لیگ ایگزیکٹیو باڈی کی ممبران کے علاوہ امیر تحریک مسکین فیض الرحمن درانی، ناظم اعلیٰ ڈاکٹر رحیق احمد عباسی، نائب ناظم اعلیٰ شیخ زاہد فیاض اور ناظم امور خارجہ جی ایم ملک بھی معزز مہمانوں میں شامل تھے۔ مزید ...

پاکستان عوامی تحریک کا محترمہ بے نظیر بھٹو شہید کی یاد میں تعزیتی ریفرنس

• 30 نومبر 2007ء

پاکستان عوامی تحریک کے زیراہتمام شہید جمہوریت بے نظیر بھٹو کی یاد میں تعزیتی ریفرنس مورخہ 14 جنوری کو مرکزی سیکرٹریٹ ماڈل ٹاؤن میں ہوا۔ اس کی صدارت پاکستان عوامی تحریک کے صدر فیض الرحمن درانی نے کی۔ پاکستان پیپلز پارٹی کے سیکرٹری جنرل جہانگیر بدر مہمان خصوصی تھے۔ مزید ...

سانحہ ہائیکورٹ قانون نافذ کرنے والے اداروں کی ناکامی ہے: ڈاکٹر رحیق احمد عباسی

• 30 نومبر 2007ء

تحریک منہاج القرآن کے ناظم اعلیٰ ڈاکٹر رحیق احمد عباسی نے ہائیکورٹ بم دھماکے کی شدید ترین الفاظ میں مذمت کرتے ہوئے اسے قانون نافذ کرنے والے اداروں کی ناکامی قرار دیا اور کہا کہ عدم تحفظ کے شدید احساس نے عوام کا جینا حرام کر دیا ہے۔ وطن عزیز بے گناہ لوگوں کا مقتل بن چکا ہے آئے روز کے دھماکوں اور قتل عام نے عالمی سطح پر پاکستان کے غیر محفوظ ریاست ہونے کے تاثر کو تقویت دی ہے۔ ان خیالات کا اظہار انہوں نے منہاج القرآن علماء کونسل کے زیراہتمام "پیکر امن و انصاف کانفرنس" کے شرکاء سے خطاب کرتے ہوئے کیا۔ کانفرنس میں متفقہ طور پر قرارداد مذمت منظور کی گئی اور مطالبہ کیا کہ امن و امان کی بحالی کے لئے فول پروف انتظامات کئے جائیں۔ شہید ہونے والوں کے لئے دعائے مغفرت اور زخمیوں کی صحتیابی کے لئے دعا کی گئی۔ مزید ...

پاکستان عوامی تحریک کا منہگائی اور لوڈشیڈنگ کیخلاف مظاہرہ

• 30 نومبر 2007ء

پاکستان عوامی تحریک کے زیراہتمام مورخہ 7 جنوری 2008ء لاہور پریس کلب کے باہر منہ توڑ منہگائی، آٹے کے بحران، پانی و گیس کی کمیابی اور بدترین لوڈ شیڈنگ کیخلاف مظاہرہ کیا گیا۔ مظاہرے میں سینکڑوں لوگ شریک تھے جو حکومت کے خلاف نعرے لگا رہے تھے۔ مظاہرین نے احتجاجی بینر اور کتبے اٹھا رکھے تھے جن پر لوڈ شیڈنگ اور ہوشربا مہنگائی کے خلاف مختلف عبارتیں لکھی تھیں۔ پاکستان عوامی تحریک لاہور کے صدر چودھری محمد افضل نے مظاہرے کی قیادت کی۔ پاکستان عوامی تحریک لاہور کے جنرل سیکرٹری غلام فرید، امیر لاہور پروفیسر ذوالفقار علی، ناظم لاہور غلام ربانی تیمور، حافظ صفدر علی، ناظم یوتھ عمران بھٹی اور محمد ارشاد طاہر بھی اس موقع پر موجود تھے۔ مزید ...

شہید جمہوریت محترمہ بینظیر بھٹو کے لیے فاتحہ خوانی

• 31 دسمبر 2007ء

تحریک منہاج القرآن کے مرکزی سیکرٹریٹ میں شہید جمہوریت محترمہ بے نظیر بھٹو کے لئے مورخہ 31 دسمبر کو فاتحہ خوانی کا اہتمام کیا گیا۔ اس سلسلے میں مرکزی ناظم اعلیٰ ڈاکٹر رحیق احمد عباسی کی صدارت میں ایک تعزیتی اجلاس نظامت امورخارجہ کے دفتر میں ہوا۔ اجلاس میں نائب ناظم اعلیٰ شیخ زاہد فیاض، ناظم امور خارجہ جی ایم ملک، سید علی رضا رضوی اور دیگر ناظمین شعبہ جات نے شرکت کی۔ اس موقع پر ڈاکٹر رحیق احمد عباسی نے محترمہ بے نظیر بھٹو کے قتل پر گہرے دکھ اور افسوس کا اظہار کرتے ہوئے کہا کہ محترمہ نے اس ملک میں جمہوریت کی بقاء اور تحفظ کے لیے اپنی جان تک قربان کر دی۔ تحریک منہاج القرآن ان کے قتل کی شدید مذمت کرتے ہوئے حکومت پاکستان سے مطالبہ کرتی ہے کہ ان کے قاتلوں کو فوری انجام تک پہنچایا جائے۔ تحریک منہاج القرآن کے بانی و سرپرست اعلیٰ شیخ الاسلام ڈاکٹر محمد طاہر القادری نے ملک میں جمہوریت کے لیے خدمات پر محترمہ کو شہید جمہوریت کا خطاب دیا ہے۔ مزید ...

پاکستان عوامی تحریک فرانس کے زیراہتمام محترمہ بینظیر بھٹو کیلئے فاتحہ خوانی

• 30 نومبر 2006ء

محترمہ بے نظیر بھٹو "شہید جمہوریت" کےلئے پاکستان عوامی تحریک فرانس کے دفتر میں شمع جمہوریت جلائی گئی یہ شمع سات دن تک جلتی رہے گی۔ چیئرمین پاکستان عوامی تحریک ڈاکٹر محمد طاہر القادری نے پاکستان پیپلز پارٹی کی چیئرپرسن اور سابق وزیراعظم اسلامی جمہوریہ پاکستان محترمہ بے نظیر بھٹو جو کہ گذشتہ دنوں راولپنڈی شہید ہوگئی تھیں کے لئے "شہید جمہوریت" کا خطاب دیا ہے اور سات دن سوگ کا اعلان کیا ہے۔ پوری دنیا میں منہاج القرآن اور پاکستان عوامی تحریک کے مراکز میں محترمہ بے نظیر بھٹو شہید کے لئے فاتحہ خوانی اور قرآن خوانی ہو رہی ہے اور تعزیتی اجلاس منعقد کئے جارہے ہیں۔ مزید ...

سال 2007 بینظیر بھٹو کی المناک شہادت کا غم چھوڑ کر رخصت ہو گیا : فرح ناز

• 30 نومبر -0001ء

منہاج القرآن ویمن لیگ کی مرکزی ایگزیکٹو کونسل کا تعزیتی اجلاس مرکزی سیکرٹریٹ ماڈل ٹاؤن میں ہوا جس میں بے نظیر بھٹو شہید کے لئے فاتحہ خوانی اور دعائے مغفرت کی گئی۔ اجلاس میں ناظمہ ویمن لیگ فرح ناز، سینئر نائب ناظمہ فاطمہ مشہدی، نائب ناظمہ مسرت بشیر، بشریٰ ریاض، راضیہ شاہین، مسز نبیلہ جاوید، فوزیہ شوکت اور عائشہ شبیر سمیت دیگر عہدیداران نے شرکت کی۔ اس موقع پر ناظمہ ویمن لیگ فرح ناز نے گفتگو کرتے ہوئے کہا کہ بے نظیر بھٹو تحریک منہاج القرآن کی تاحیات ممبر تھیں اور ان کی شہادت پاکستان کی تاریخ کا بدترین سانحہ ہے اور اس سفاکانہ اور بہیمانہ قتل کی جتنی بھی مذمت کی جائے کم ہے۔ 2007ء بے نظیر بھٹو کی المناک شہادت کا غم چھوڑ کر رخصت ہو گیا ہے اور ہر پاکستانی کا دل دکھ اور غم کی جذبات سے لبریز ہے۔ مزید ...

شہید جمہوریت محترمہ بے نظیر بھٹو کے لیے قرآن خوانی

• 29 دسمبر 2007ء

شہید جمہوریت محترمہ بے نظیر بھٹو کے لئے قرآن خوانی کا اہتمام جامع مسجد منہاج القرآن لاہور میں کیا گیا۔ جس میں مفتی اعظم عبدالقیوم خان ہزاروی، پروفیسر نواز ظفر، ڈپٹی سیکرٹری پاکستان عوامی تحریک سہیل احمد رضا، ناظم علماء کونسل سید فرحت حسین شاہ، ایڈیٹر سہ ماہی العلماء علامہ محمد حسین آزاد، سینئر نائب ناظم تربیت علامہ غلام مرتضیٰ علوی، دیگر قائدین و سٹاف ممبران مرکزی سیکرٹریٹ تحریک منہاج القرآن، کالج آف شریعہ اینڈ اسلامک سٹڈیز کے طلبہ اور اہل محلہ نے شرکت کی۔ مزید ...

منہاج ویلفیئر فاؤنڈیشن نارووال کے زیراہتمام فری آئی کیمپ

• 09 نومبر 2007ء

منہاج ویلفیئر فاؤنڈیشن نارووال کے زیراہتمام دسواں سالانہ تین روزہ فری آئی کیمپ مورخہ 9 نومبر منہاج القرآن اسلامک سنٹر نارووال میں منعقد ہوا۔ اس موقع پر آکولو پلاسٹک سرجری کے مایہ ناز ڈاکٹر اور میو ہسپتال میں شعبہ آئی کے ہیڈ پروفیسر عمران اکرم صحاف، ڈسٹرکٹ آئی سرجن ڈاکٹر امانت علی، جنرل ہسپتال لاہور کے آئی سپیشلسٹ ڈاکٹر آکاش، گجرات کے معروف سرجن ڈاکٹر سید مزمل حسین شاہ، میو ہسپتال لاہور کے سابق رجسٹرار ڈاکٹر سید جواد، ڈاکٹر گوہر رحمان، میو ہسپتال لاہور کے ڈاکٹر حافظ عطاء الرسول، میڈیکل آفیسر نارووال ڈاکٹر احمد سعید، پیرا میڈیکل سٹاف، شعبہ آپٹالوجی اور سرجری سے منسلک ملک کے دیگر ماہر ڈاکٹر بھی موجود تھے۔ اس کیمپ میں علاج کے لیے آنے والے مریضوں کے ساتھ ان کے رشتہ دار، ورثاء، دیگر معززین علاقہ اور صحافیوں کی ایک بڑی تعداد بھی یہاں حاضر تھی۔ مزید ...