نوشہرہ: صاحبزادہ منیب احمد کی ساتھیوں سمیت پاکستان عوامی تحریک میں شمولیت

• 28 اکتوبر 2015ء

امام عالی مقام نے کربلا میں دین حق کو فتح دلائی۔ قیامت تک حق و باطل کی شناخت حسینیت سے ہوگی۔ ملک کو کرپشن، فرقہ واریت سے نکالنے کا واحد راستہ مصطفوی انقلاب ہے اور حسینی اسوہ حسنہ ہی پاکستان کی بقاء کی علامت بن چکا ہے۔ سید الشہداء کی تعلیمات اتحاد و یکجہتی کا درس دیتی ہیں۔ ان خیالات کا اظہار پاکستان عوامی تحریک کے مرکزی ڈپٹی چیف آگنائزر شہزاد حسین نقوی نے نو شہرہ میں آستانہ عالیہ پیر سباق شریف کے صاحبزادہ منیب احمد کی ساتھیوں سمیت پاکستان عوامی تحریک میں شمولیت کے موقع پر کیا۔ مزید ...

ڈاکٹر حسن محی الدین کے یوسی 44، 166، 177 کے انتخابی دورے، ریلیوں کی قیادت اور انتخابی میٹنگز سے خطاب

• 25 اکتوبر 2015ء

منہاج القرآن سپریم کونسل کے چیئرمین ڈاکٹر حسن محی الدین نے بلدیاتی امیدواروں کی طرف سے کوٹ خواجہ سعید سے جلو موڑ تک نکالی گئی موٹر سائیکل ریلی سے خطاب کرتے ہوئے کہا کہ 7سال تک بلدیاتی اداروں کو تالے لگانے والے آج عوام سے کس منہ سے انہیں اداروں کے اندر گھسنے کیلئے ووٹ مانگ رہے ہیں؟ سپریم کورٹ کا حکم نہ آتا تو موجودہ حکمران بلدیاتی انتخابات کروانا تودور کی بات بلدیاتی دفاتر پر بلڈوزر چلوا کر انہیں مسمار کر دیتے۔ سانحہ ماڈل ٹاؤن کے قاتلوں کا حساب لینا ہے اور یزید کے نقش قدم پر چلنے والوں کو عبرت کا نشان بنانا ہے۔ مزید ...

پاکستان عوامی تحریک کے ڈپٹی چیف آرگنائزر کی صاحبزادہ ڈاکٹر شبیر کمال سے ملاقات

• 28 اکتوبر 2015ء

گوجرانوالہ: پاکستان عوامی تحریک کے مرکزی ڈپٹی چیف آرگنائزر شہزاد حسین نقوی نے صاحبزادہ ڈاکٹر شبیر احمد کمال عباسی القادری سے درگاہ عالیہ قادریہ غوث العصر گوجرانوالہ میں ملاقات اور ان کی تیمار داری کی۔ دوران ملاقات ڈاکٹر شبیر کمال نے تحریک منہاج القرآن کے فروغ اور مصطفوی مشن کی کامیابی کے لیے نیک خواہشات کا اظہار کیا۔ انہوں نے قائدِ تحریک ڈاکٹر محمد طاہرالقادری کی صحتیابی اور طویل عمری کے لیے خصوصی دعا کی۔ مزید ...

اسلام آباد: 9 محرم کے مرکزی جلوس میں شیخ الاسلام ڈاکٹر محمد طاہرالقادری کی کتب و سی ڈیز کا اسٹال

• 27 اکتوبر 2015ء

اسلام آباد: 9 محرم الحرام کو مرکزی جلوس میں پاکستان عوامی تحریک یوتھ ونگ شعبہ دعوت و تربیت نے منہاج القرآن پبلیکیشنز کے تعاون سے شیخ الاسلام ڈاکٹر محمد طاہرالقادری کی عملی و علمی، اخلاقی و روحانی، تعلیمی و سائنسی، فقہی و قانونی اور فضائلِ اہل بیت کے موضوع پر کتب و سی ڈیز کے اسٹال کا اہتمام کیا۔ شرکائے جلوس نے اسٹال کے انعقاد کو سراہا اور بڑی تعداد میں لوگوں نے کتب کو پسند کیا۔ مزید ...

ملتان: آزاد امیدوار سید خضر مرتضیٰ گردیزی پاکستان عوامی تحریک میں شامل

• 26 اکتوبر 2015ء

یونین کونسل بنگل والہ، کوٹ عباس شہید خانیوال سے آزاد امیدوار چیئرمین پیر سید خضر مرتضیٰ گردیزی نے پاکستان عوامی تحریک میں شمولیت کا اعلان کردیا۔ پاکستان عوامی تحریک نے یونین کونسل بنگل والہ کے لئے پیر سید خضر مرتضیٰ گردیزی کو چیئرمین اور ملک محمد اختر روانی کووائس چیئرمین کی ٹکٹ بھی جاری کردی۔ مزید ...

ٹورانٹو (کینیڈا): ڈاکٹر طاہرالقادری سے شیخ رشید احمد کی ملاقات، ملکی صورتحال پر تبادلہ خیال

• 25 اکتوبر 2015ء

پاکستان عوامی تحریک کے قائد ڈاکٹر طاہرالقادری سے گذشتہ روز کینیڈا ٹورانٹو میں عوامی مسلم لیگ کے سربراہ شیخ رشید نے ملاقات کی۔ دونوں رہنماؤں نے ملکی صورتحال پر تفصیلی تبادلہ خیال کی۔ اس موقع پر گفتگو کرتے ہوئے سربراہ پاکستان عوامی تحریک نے کہاکہ کاروبار اور سیاست ایک ساتھ چلانے والے حکمرانوں نے ملک تباہ کر دی، موجودہ جمہوریت صرف لٹیروں کے مفاد کا تحفظ کر رہی ہے اس لئے کاروباری حکمران اسے ہر حال میں قائم رکھنا چاہتے ہیں۔ مزید ...

ڈنمارک: پاکستان عوامی تحریک کے نومنتخب عہدیداران کا عشائیہ

• 04 اکتوبر 2015ء

کوپن ہیگن: پاکستان عوامی تحریک کے پیٹرن انچیف ڈاکٹر محمد طاہرالقادری کے حالیہ دورہ ڈنمارک کے دوران پاکستان عوامی تحریک ڈنمارک کی تنظیمِ نو کی گئی۔ نو منتخب عہدیداران نے کوپن ہیگن میں قائم منہاج القرآن انٹرنیشنل ڈنمارک کے ہیڈ کوارٹر پر کارکنان کے اعزاز میں عشائیہ دیا، جس میں منہاج القرآن انٹرنیشنل اور پاکستان عوامی تحریک کے کارکنان سمیت، مختلف سیاسی اور سماجی تنظیمات کے نمائندگان اور شخصیات نے خصوصی شرکت کی۔ مزید ...

ڈاکٹر حسن محی الدین کی موٹرسائیکل پر عوامی تحریک کی انتخابی ریلی کی قیادت

• 19 اکتوبر 2015ء

منہاج القرآن کی سپریم کونسل کے چیئرمین ڈاکٹر حسن محی الدین نے دوسرے روز بھی ٹاؤن شپ میں یو سی 239 میں عوامی تحریک کے امیدواروں کی انتخابی مہم میں حصہ لیا اور عوامی تحریک کے انتخابی نشان موٹر سائیکل پر بیٹھ کر نوجوان کارکنوں کی طرف سے نکالی گئی ریلی کی قیادت کی۔ ڈاکٹر حسن محی الدین کو موٹر سائیکل پر بیٹھے دیکھ کر کارکنوں نے پرجوش نعرے لگائے۔ مزید ...

سابق وزیراعظم یوسف رضا گیلانی سے ڈاکٹر حسن محی الدین کی ملاقات، بھانجے کے انتقال پر تعزیت کا اظہار کیا

• 17 اکتوبر 2015ء

تحریک منہاج القرآن کی سپریم کونسل کے چیئرمین ڈاکٹر حسن محی الدین قادری نے سابق وزیراعظم سید یوسف رضا گیلانی سے انکی رہائش گاہ پر جا کر انکے بھانجے اسد مرتضیٰ گیلانی کے انتقال پر اظہار تعزیت کیا اور مرحوم کی بخشش اور درجات کی بلندی کیلئے دعا کی، اسد مرتضیٰ گیلانی منیٰ حادثہ میں جاں بحق ہوئے تھے۔ اس موقع پر خرم نواز گنڈاپور، عوامی تحریک کے چیف کوآرڈینیٹر میجر (ر) محمد سعید، نصر اللہ خان، شعیب مغل اور شاہد لطیف بھی انکے ہمراہ تھے۔ ڈاکٹر حسن قادری نے کہا کہ منیٰ کے حادثے کے باعث پورا عالم اسلام غم زدہ ہے۔ مزید ...

عوامی تحریک کا پی ٹی آئی کی حمایت کا اعلان، سیاسی اتحاد قائم

• 06 اکتوبر 2015ء

پاکستان عوامی تحریک اور تحریک انصاف کے درمیان اتحاد اور 4 نکات پر مشتمل ماڈل ٹاؤن ڈیکلریشن پر دستخط کئے گئے، دونوں جماعتوں کے رہنماؤں نے بلدیاتی اور آئندہ عام انتخابات میں سیٹ ایڈجسٹمنٹ کے حوالے سے فارمولہ طے کرنے کیلئے تین تین ارکان پر مشتمل 6 رکنی کمیٹی تشکیل دے دی ہے۔ معاہدے کے بعد عوامی تحریک کا پی پی 147سے امیدوار اشتیاق چودھری ایڈووکیٹ تحریک انصاف کے امید وار شعیب صدیقی کے حق میں دستبردار ہو گئے اور عوامی تحریک نے NA-122 اور پی پی 147 سے علیم خان اور شعیب صدیقی کی بھر پور حمایت اور انتخابی مہم چلانے کا اعلان کیا ہے۔ تحریک انصاف کی طرف سے چودھری محمد سرور اور عوامی تحریک کی طرف سے سیکرٹری جنرل خرم نواز گنڈا پور نے معاہدے پر دستخط کئے۔ مزید ...