انصاف دو یا ہمیں بھی مار دو، اس وقت تک چین سے نہیں بیٹھیں گے جب تک شہدائے انقلاب کے خون کا قصاص نہ لے لیں۔ ان خیالات کا اظہار مرکزی نائب ناظم اعلیٰ دعوت و تربیت علامہ رانا محمد ادریس قادری نے پاکستان عوامی تحریک گوجرہ کی طرف سے منعقدہ ورکرز کنونشن سے خطاب کرتے ہوئے کیا۔ اس سے قبل شیخ الاسلام ڈاکٹر محمد طاہرالقادری کا کارکنان کے نام خصوصی پیغام سنایا گیا مزید ...
گذشتہ روز چوآسیدن شاہ (بشارت) میں پاکستان عوامی تحریک کا بلدیاتی الیکشن کے حوالے سے ایک اجلاس سید سجاد شاہ کی رہائش گاہ پر منعقد ہوا جس میں یونین کونسل بشارت کی تنظیم نو کی گئی بلدیاتی الیکشن کے حوالے سے تیاریوں کا جائزہ لیا گیا الیکشن لڑنے کے حوالے سے پلاننگ اور اہم فیصلے کیے گئے، سید سجاد شاہ بخاری، محمد زراعت خان، حاجی محمد ظفر اقبال اور حاجی محمد اسلم پر مشتمل ایک کمیٹی بنائی گئی جو پاکستان عوامی تحریک میں نئے شامل ہونے والے اور مکمل 13 رکنی بلدیاتی پینل کا فیصلہ کرے گی۔ مزید ...
حریک منہاج القرآن کے مرکزی ناظم تربیت علامہ غلام مرتضیٰ علوی نے تحریک منہاج القرآن و پاکستان عوامی تحریک حلقہ پی پی 4 دولتالہ کے مصطفوی ورکرزکنونشن سے خطاب کرتے ہوئے کہا ہے کہ ہم سانحہ ماڈل ٹاؤن لاہور کے حوالے سے پنجاب حکومت کی بنائی ہوئی یکطرفہ اور جعلیJIT کی رپورٹ کو مسترد کرتے ہیں جس نے قاتل حکمرانوں کو بے گناہ قرار دیا ہے ۔ ہمارا مطالبہ ہے کہ جوڈیشل کمیشن باقر نجفی کی رپورٹ کو شائع کیا جائے اور سانحہ ماڈل ٹاؤن کا کیس فوجی عدالت میں چلایا جائے۔ مزید ...
مرکزی صدر پاکستان عوامی تحریک ڈاکٹر رحیق عباسی کی زیرِ صدارت پی اے ٹی شیخوپورہ کا اجلاس ہو جس میں سانحہ ماڈل ٹاؤن میں شہید ہونے والے شیخوپورہ کے رہائشی حکیم صفدر اور دیگر شہدائے انقلاب کو خراج عقیدت پیش کیا گیا۔ اجلاس سے خطاب کرتے ہوئے مقررین کا کہنا تھا کہ شہداء کے خون کا قصاص کے سوا کوئی بدلہ نہیں ہوسکتا، اور پاکستان عوامی تحریک قصاص کے مطالبے سے کبھی پیچھے نہیں ہٹے گی۔ مزید ...
ڈاکٹر رحیق عباسی نے احتجاجی مظاہرہ کے شرکاء سے خطاب کرتے ہوئے کہا کہ انصاف کیلئے آخری حد تک جائینیگے، اداروں نے انصاف نہ دیا تو اپنے ہاتھوں سے قاتلوں کے گلے دبوچیں گے۔ جے آئی ٹی کے ممبران نے ضمیر کی بجائے قاتل اعلیٰ کی تصویر سامنے رکھ کر رپورٹ مرتب کی ان پر لعنت بھیجتے ہیں۔ وقت آنے پر انہیں بھی کٹہرے میں کھڑا کرینگے۔ مظاہرہ سے شہید تنزیلہ امجد کی بیٹی بسمہ امجد نے خطاب کرتے ہوئے کہا کہ وقت کے حکمرانوں سے پوچھتی ہوں میری ماں کا اور میری پھوپھو کا کیا قصور تھا کہ انہیں گولیاں مار کر شہید کر دیا گیا، مجھے انصاف چاہیے، عوام ظلم کے خلاف باہر نہ نکلے تو اسی طرح بچوں سے انکی مائیں چھنتی رہیں گی، ان کے اس خطاب پر شرکاء آبدیدہ ہو گئے۔ مزید ...
ڈاکٹر طاہرالقادری نے کہا ہے کہ شہدا کا خون اتنا سستا نہیں کہ قاتلوں کی بنائی جے آئی ٹی اس پر مٹی ڈال سکے۔ حکومتی جے آئی ٹی نے ڈھٹائی سے حقائق مسخ کئے اور انصاف کا جنازہ نکالا۔ مظلوموں کیلئے آواز بلند کرنے پر اینکر پرسنز، سول سوسائٹی، ہم خیال جماعتوں کے سربراہان اور بالخصوص پنجاب اسمبلی کی اپوزیشن کا مشکور ہوں جنہوں نے قتل و غارت گری اور ظالم حکمرانوں کے خلاف واک آؤٹ کیا۔ وہ گذشتہ روز پاکستان عوامی تحریک کی مشاورتی کونسل کے ہنگامی اجلاس سے ٹیلی فون پر خطاب کر رہے تھے۔ مزید ...
پاکستان عوامی تحریک کے سینکڑوں کارکنوں نے پنجاب اسمبلی کے باہر حکومتی جے آئی ٹی کی رپورٹ کے خلاف شدید احتجاج کیا۔ احتجاجی مظاہرین کی قیادت مرکزی سیکرٹری جنرل خرم نواز گنڈا پور نے کی۔ عوامی تحریک کے کارکنان نے جعلی جے آئی ٹی، جعلی رپورٹ نامنظور، قاتل حکومت نامنظور کے فلک شگاف نعرے لگائے اور مطالبہ کیا کہ اگر پنجاب کے حکمرانوں کا دامن صاف ہے تو وہ شہداء کے ورثاء کی مشاورت سے نئی جے آئی ٹی بنائیں۔ پنجاب اسمبلی میں ڈپٹی اپوزیشن لیڈر سبطین خان، اراکین اسمبلی میاں اسلم اقبال اور ڈاکٹر مرادراس نے عوامی تحریک کے کارکنوں سے اظہار یکجہتی کیا اور اپنے بھرپور تعاون کا یقین دلایا۔ مزید ...
ڈاکٹر رحیق عباسی نے حکومتی جے آئی ٹی کی رپورٹ کے خلاف ملک گیر احتجاج کا اعلان کرتے ہوئے کہا کہ ہمارے خدشات سچ ثابت ہوئے کہ موجودہ قاتل حکمرانوں کے ہوتے ہوئے ہمیں انصاف نہیں ملے گا۔ جے آئی ٹی نے مظلوموں کو انصاف دلوانے کی بجائے قاتلوں کو محفوظ راستہ دیا۔ غیر ملکی سفارتکاروں، انسانی حقوق کی عالمی تنظیموں، یورپی یونین سمیت انصاف کے ہر فورم سے رجوع کرینگے۔ مزید ...
پاکستان عوامی تحریک سپین کے صدر محمد اقبال چوہدری نے واضح کرتے ہوئے کہا کہ احتجاج کرنا ہمارا حق ہے اور ہم یہ احتجاج حکومتی دہشتگردی کے خلاف کریں گے۔ انہوں نے کہا کہ پاکستان ہمارا ملک ہے ہماری پہچان ہے اور ہم پاکستان کو ان قاتلوں، چوروں، ڈاکوؤں اور لٹیرے حکمرانوں سے نجات دلوا کر ہی دم لیں گے۔ مزید ...
پاکستان عوامی تحریک چکوال اور پاکستان عوامی تحریک چوآسیدن شاہ کا مشترکہ اجلاس ضلعی دفتر چکوال میں منعقد ہوا جس کی صدارت سعید شاہ مشہدی نے کی۔ اس موقع پر پاکستان عوامی تحریک چکوال کے سینئر نائب صدر توقیر اعوان ایڈووکیٹ، سیکرٹری جنرل طاہر اعوان ایڈووکیٹ، پاکستان عوامی تحریک تحصیل چکوال کے صدر سید شاہد منظور، پاکستان عوامی تحریک ضلع چکوال کے نائب صدر حسنین اشرف بھٹی ایڈووکیٹ اور پاکستان عوامی تحریک ضلع چکوال کے میڈیا کوآرڈینیٹر توقیر مغل موجود تھے۔ مزید ...
کاپی رائٹ 1989 - 2025 پاکستان عوامی تحریک. جملہ حقوق محفوظ ہیں
